Тошкентда машина салонидан танасини чиқариб ҳаракатланган 1996 йилда туғилган аёлга чора кўрилди. Бу ҳақда Пойтахт Ички ишлар бош бошқармаси хабар берди.

Маълум қилинишича, «Lacetti» русумли транспорт воситасида аёл киши танасини чиқариб олган ҳолда ҳаракатланаётгани акс этган видео ижтимоий тармоқларда, кўплаб муҳокамаларга сабаб бўлган. Мазкур ҳолат юзасидан Тошкент шаҳар ИИББ томонидан текширув ўтказилган.

Аниқланишича, 17 март куни тахминан соат тахминан 21:00 да хайдовчи 1986 йилда туғилган М.С. «Chevrolet Lacetti» русумли автоуловини Чилонзор туманида бошқариб кетаётган вақтида, автомобиль ичида ўтирган йўловчи 1996 йилда туғилган Г.А. йўл ҳаракати қоидаларини бузиб, салондан тана қисмини чиқарган ҳолатда ҳаракатланган.

Мазкур ҳолат юзасидан Маъмурий жавобгарлик тўғрисидаги кодекснинг 138-моддаси 4-қисми (Транспорт воситаси ҳаракатланаётган вақтда йўловчи томонидан тана қисмларини (қўлдан ташқари) салондан чиқариш) билан маъмурий баённома расмийлаштирилиб, улар билан профилактик сухбат ўтказилган.