Эслатиб ўтамиз, аввалроқ Қашқадарёда ЙПХ ходими ва ҳайдовчи ўртасида тортишув содир бўлганди. Шунингдек, Андижонда прокуратура ва ИИБ ходимлари ўртасида тортишув бўлгани айтилган хабарга изоҳ берилган.
23:22 | 09.02.22
Йўл ҳаракати хавфсизлиги хизмати ҳолат юзасидан муносабат билдирди
Тошкентда 9 февраль куни йўл-патруль хизмати ходими ва ҳайдовчи ўртасида жанжал юз берди. Йўл ҳаракати хавфсизлиги хизмати ҳолат юзасидан муносабат билдирди.
Маълум қилинишича, шу куни соат тахминан 19:00 да Чилонзор тумани Бунёдкор шоҳ ҳамда Қатортол-2 кўчалари кесишган чорраҳада ЙПХ ходими А.Б. тирбанликларни бартараф қилиш мақсадида ишоралар орқали хизмат олиб бораётган бўлган. Ўша вақтда «Lacetti» русумли автомобиль ҳайдовчиси унинг ишорасига риоя қилмаган.
Қайд этилишича, ҳайдовчи йўл ўртасида тўхтаб турли хатти-ҳаракатлар билан ходимнинг хизмат фаолиятига ҳалақит берган. Шундан сўнг ходим ва ҳайдовчи ўртасида зиддиятли вазият юзага келган. ЙПХ ходими чорраҳада вазият ҳамда тирбандлик кескинлашувининг олдини олиш мақсадида алоқа воситаси орқали ёрдам чақирган.
Таъкидланишича, воқеа жойига қўшимча ёрдамчи ходимлар келиб, ҳолат расмийлаштирилган. Ҳозирда суриштирув ишлари давом этмоқда.
Эслатиб ўтамиз, аввалроқ Қашқадарёда ЙПХ ходими ва ҳайдовчи ўртасида тортишув содир бўлганди. Шунингдек, Андижонда прокуратура ва ИИБ ходимлари ўртасида тортишув бўлгани айтилган хабарга изоҳ берилган.
Мавзуга доир хабарлар билан танишинг: