Украина президенти девони раҳбари маслаҳатчиси Михаил Подоляк Европа кенгаши Россияга қарши санкцияларни юмшатганини маълум қилди. Бу ҳақда у Twitter’да ёзди.

Подолякнинг сўзларига кўра, Европа Иттифоқи дастлаб санкцияларнинг олтинчи босқичи доирасида Россия учун булутли хизматлардан фойдаланиш имконияти блокланишини эълон қилган, бироқ пресс-релизини таҳрир қилиб, уни олиб ташлаган.

«Мансабдорлардан ҳеч қандай тушунтириш йўқ. Биз санкциялар босимини кучайтиришимиз керак. Чекловларни юмшатманг», — дея маълум қилган Президент девони раҳбари маслаҳатчиси.

Аввалроқ Украина хавфсизлик кафолати бўйича қайси давлатга мурожаат қилгани маълум бўлганди. Шунингдек, Украина делегацияси Россия билан музокара ўтказиш шартини айтганди.