Афғонистонда 22 июнь куни содир бўлган 6,1 балли зилзила кучи Ўзбекистонда қайд этилди. Бу ҳақда Фавқулодда вазиятлар вазирлиги Сейсмопрогностик мониторинг маркази ахборот хизмати хабар берди.

Маълум бўлишича, Тошкент вақти билан саот 01:55 да Афғонистонда зилзила содир бўлган. Зилзила координаталари 35,11 градус шимолий кенглик, 68,99 градус шарқий узунликни ташкил қилган. Магнитуда 6,1 баллга етган.

Зилзила эпимаркази Тошкентдан 685 километр жанубий-шарқда жойлашган. Шунингдек, қуйида зилзиланинг Ўзбекистон ҳудудида сезилиш кучи эълон қилинган:

• Сурхандарё вилоятида 3 балл;
• Қашқадарё вилоятида 2 балл;
• Самарқанд вилоятида 2 балл;
• Жиззах вилоятида 2 балл.

Аввалроқ Тошкент вилояти Пскент туманида 3 балли зилзила содир бўлгани ҳақида маълумот берилганди.