22:11 | 03.07.22
Тошкент–Нукус–Тошкент йўналишидаги авиақатнов бекор қилинди
Ушбу йўналишдаги авиарейс қачон амалга оширилиши маълум бўлди
Тошкент–Нукус–Тошкент йўналишида 3 июль куни амалга оширилиши режалатширилган авиақатнов бекор қилинди. Бу ҳақда «Uzbekistan Airways» ахборот хизмати хабар берди.
Маълум бўлишича, ҲЙ017/ҲЙ018 Тошкент–Нукус–Тошкент йўналишидаги қатнов бекор қилинган. Йўловчилар 4 июль куни Тошкент–Нукус–Тошкент йўналишидаги ҲЙ011/ ҲЙ012 рейслари билан манзилига етказилади.
«Келтирилган ноқулайликлар учун йўловчилар ва уларни кутиб олувчилардан узр сўраймиз. Тўғри тушунишингизга умид қиламиз», дейилади хабарда.
Аввалроқ Шавкат Мирзиёевнинг Мўйноққа ташрифи давомида Тошкент–Мўйноқ–Нукус йўналишида авиақатнов йўлга қўйилиши маълум қилинганди.
Мавзуга доир хабарлар билан танишинг:
