16:49 | 22.07.22

                       

Ўзбекистонда сув қувурлари орқали вабо тарқалиши мумкинлиги ҳақида хабар тарқалди

«Ўзсувтаъминот» мазкур хабар юзасидан муносабат билдирди

Аҳоли орасида ичимлик суви қувурлари ва жўмраклар орқали вабо касаллиги тарқалиши мумкинлиги тўғрисида хабар тарқалди. «Ўзсувтаъминот» АЖ ахборот хизмати буни рад этди.

Фото: «Bugun.uz»

Муносабатда жамият фуқаролардан бу каби ёлғон хабарларга ишонмасликларини ва жўмраклардан сув ичмаслик тўғрисидаги чақириқларга қулоқ солмасликни сўраган.

Фото: Telegram

Маълум қилинишича, ичимлик суви сифати республикадаги 79 та лаборатория томонидан куну-тун назорат қилиниб, сув тармоқлари ёки жўмраклар орқали бирон-бир касаллик тарқалишига йўл қўйилмайди.

Таъкидланишича, улар томонидан ҳар ойда турли таҳлиллар учун ўртача 17 200 та намуна олинади. Ичимлик сувини аҳолига етказиб беришдан олдин сув суюқ хлор, натрий гипохлорит, кальций гипохлорит каби хлорли реагентлар билан зарарсизлантирилади.

Аввалроқ Қорақалпоғистонда ичимлик суви заҳарлангани ҳақида хабар тарқалиб, рад этилганди.

Мавзуга доир хабарлар билан танишинг: