0:58 | 09.09.22

                       

Россияда ўзбекистонлик йигит аёлнинг пластик картасидан пул ўғирлади

Унга олти йилгача қамоқ жазоси берилиши мумкин

Россияда аёлнинг пластик картасидан пул ўғирлаган ўзбекистонлик йигит қўлга олинди. Бу ҳақда «Московский Комсомолец» хабар берди.

Фото: «Sputnik»

Маълум қилинишича, аёл ҳолат юзасидан Астрахан полициясига ариза билан мурожаат қилган. У номаълум шахслар унинг йўқолган банк картасидан фойдаланаётганини айтган. Жумладан, турли хил озиқ-овқат дўконларида кимдир унинг картасидан 6754 рублга товар сотиб олган.

Бундан ташқари, картадан деярли тўрт юз минг рублни олиб қўйишга уриниш бўлган. Терговчилар пул ўғирлаган шахсни аниқлаган ва бу 1995 йилда туғилган Ўзбекистон фуқароси бўлиб чиққан. Йигит Астрахан вилоятига ишлаш учун келган.

У Кубанская кўчасида ерда ётган банк картасини топиб олгани ва ундан озиқ-овқат сотиб олишга қарор қилганини айтган.

Мазкур ҳолат юзасидан Ўзбекистон фуқаросига нисбатан жиноят иши қўзғатилган. У олти йилгача қамоқ жазосига ҳукм қилиниши мумкин.

Аввалроқ Россиядаги масжидда ўзбекистонлик эркак пул ўғирлаганди. Шунингдек, Россияда ўзбекистонлик наркодилер 10 йилга қамалганди.

Мавзуга доир хабарлар билан танишинг: