Тошкент шаҳар ИИББ Яккасарой туманида юк машинаси кўприк четига ағдарилиб тушгани юзасидан маълумот берди.

Маълум қилинишича, 20 сентябрь куни соат 10:30 ларда Яккасарой тумани КХАЙ кўчасидаги кўприк устида 47 ёшли В.А. «Howo ZZ3» русумли юк автоуловида қурилиш чиқиндиларини ортиб кетаётиб, кўприк устида бошқарувни йўқотган ва кўприкнинг четки қисмига ағдарилган.

Йўл-транспор ҳодисаси оқибатида ҳайдовчи В.А. «чап қўл тирсак соҳаси эзилиб йиртилган жароҳати» билан касалхонага олиб борилган. Ҳозирда ҳолат юзасидан терговга қадар текширув ўтказилмоқда.

Аввалроқ Қашқадарёда «Nexia» билан тўқнашган «Зил», Тошкент ва Самарқанд вилоятларида юк автомобили ағдарилиб кетгани тўғрисида хабарлар берилганди. Шунингдек, Наманганда ҳайдовчиси бошқарувни йўқотган «Nexia» ағдарилиб кетганди.