18:06 | 28.09.22

                       

Фарғонада ИИБ ходимлари фуқарони калтаклади. Суд эса уларга нисбатан оқлов ҳукми чиқарган

Ижтимоий тармоқларда ҳуқуқни муҳофаза қилувчи орган ходимлари гумонланувчини калтаклаб, қийноққа солгани тасвирланган видео тарқалди

Ижтимоий тармоқларда Фарғонада ҳуқуқни муҳофаза қилувчи орган ходимлари гумонланувчини калтаклаб, қийноққа солгани тасвирланган видео тарқалди. Мазкур ҳолат юзасидан ИИВ ахборот хизмати раҳбари Шоҳрух Ғиёсов маълумот берди.

Маълум қилинишича, видеода тасвирланган воқеа  2021 йилнинг 14 июль куни Фарғона шаҳри ички ишлар бўлимида содир этилган бўлиб, ҳолат юзасидан прокуратура органлари томонидан Жиноят кодексининг 206-моддаси (Ҳокимият ёки мансаб ваколати доирасидан четга чиқиш) 1-қисми билан жиноят иши қўзғатилган ҳамда 2021 йил 2 декабрда мазмунан кўриб чиқишлик учун суд органларига юборилган.

«Мазкур жиноят иши жорий йилнинг 23 август куни Фарғона вилояти ЖИБ суди томонидан апелляция тартибида кўриб чиқилиб, ходимларнинг ҳаракатларида жиноят аломатлари йўқ, деб топилган ва оқлов ҳукми чиқарилган», дейилади муносабатда.

Аввалроқ Сурхондарё вилояти Бандихон туманида ўқитувчи дарсга тайёрланмаган ўқувчини калтаклагани тўғрисида хабар берганди. Шунингдек, Андижон вилояти Асака туманида ўқитувчи кетма-кет икки кун дарсдан қочиб кетиши ва дарс жараёнларига қатнашмаётгани сабаб  ўқувчи қизни калтаклаганди.

Мавзуга доир хабарлар билан танишинг: