14:33 | 05.10.22

                       

Европа Иттифоқи элчилари Россияга қарши янги санкцияларни келишиб олди

Саккизинчи санкциялар пакетидан Россия нефти нархига чекловлар қўйишили киритилган

Европа Иттифоқи давлатларининг элчилари Россияга қарши саккизинчи санкциялар пакетини келишиб олди. Янги пакетдан Россия нефти нархига чекловлар қўйишили киритилган. Бу ҳақда ўз манбаларига таяниб, Politico газетаси хабар берди.

Нашр маълумотларига кўра, Европа Иттифоқи давлатларининг элчилари 4 октябрь кунги учрашувда янги санкциялар пакети шартларини келишган. Ҳужжат 5 октябрь куни қабул қилинади.

Янги санкциялар пакети нефть нархи чегарасини белгилашнинг қонуний вариантини ўз ичига олади. Қайд этилишича, Россия нефтига нисбатан аниқ нарх ҳозирча белгиланмаган. АҚШ томонининг фикрича, бу яқин ҳафталар ичида амалга оширилади.

Politico’нинг ёзишича, Евроиттифоқ Мальта, Греция ва Кипрга имтиёзлар беради. Улар олдинроқ Россия нефти нархининг ошиб кетганига норозилик билдирганди.

Аввалроқ Байден ДХР, ЛХР, Херсон ва Запорожьедаги референдумлар сабаб Россияга санкциялар ваъда қилганди. Шунингдек, Украинада давом этаётган уруш фонида Европа Комиссияси 28 сентябрь куни Россияга қарши янги санкциялар, жумладан, нефть нархининг юқори чегарасини жорий этиш бўйича таклифларни эълон қилган. «Катта еттилик» давлатлари ҳам Кремль референдумлари ва сафарбарликни қоралаганди. 2 октябрь куни Австралия Россияга қарши санкциялар рўйхатини кенгайтирган эди.

Мавзуга доир хабарлар билан танишинг: