Россия президентининг матбуот котиби Дмитрий Песков Украина президенти Владимир Зеленскийнинг «олдини олувчи зарбалар»ни бериш ҳақидаги гапларига муносабат билдирди, деб хабар беради «РИА Новости».

Зеленский видеоалоқа орқали ўтказилган Австралиянинг Лоуи институтидаги чиқиши давомида НАТО Россиянинг «ядровий зарбани амалга оширишини кутмасдан», ҳужумнинг олдини олувчиларни зарбаларни амалга ошириши кераклигини маълум қилган.

«НАТО нима қилиши керак? Россияни ядровий қуролдан фойдаланиш имкониятини йўққа чиқариш», — деган Украина президенти.

Ўз навбатида Кремль вакили Зеленскийнинг ушбу фикрларига жавоб қайтарган. «Уларни АҚШ, Буюк Британия ва Европа Иттифоқининг қандайдир муносабатисиз қолдириш мумкин эмас. Зеленскийнинг баёноти — жаҳон урушини бошлашга чақирувдан бошқа нарса эмас», — деган Песков.

Зеленскийнинг баёноти ва Кремлнинг жавоб реакциясидан кейин вазиятга Украина президенти матбуот котиби ойдинлик киритган. «Россияда олдини олувчи зарбани бериш илтимоси 24 февралга қадар бўлган даврга тегишли», — дея таъкидлаган у.

Россия Хавфсизлик кенгаши раисининг ўринбосари Дмитрий Медеведев ҳам вазиятга муносабат билдирган. «Бу аҳмоқ ўз халқи ва бошқалар учун янада кўпроқ фалокатни юзага келтирмасидан психиатрлар унинг бошида олдини олувчи трепанация ўтказиши керак», — деган Россия собиқ президенти.

Эслатиб ўтамиз, Донбасс республикалари, шунингдек, Россия назорати остида бўлган Херсон ва Запорожье вилоятлари ҳудудлари 19 сентябрь куни Россия таркибига қўшилиш бўйича референдум ўтказиш ниятида эканини маълум қилганди. 21 сентябрь куни Владимир Путин Россия ушбу ҳудудлар аҳолиси маъқуллаган қарорни» қўллаб-қувватлашини эълон қилган. «Катта еттилик» давлатлари Кремль референдумлари ва сафарбарликни қоралаган. АҚШ президенти Жо Байден эса ДХР, ЛХР, Херсон ва Запорожьедаги референдумлар сабаб Россияга санкциялар ваъда қилган.