16:09 | 08.10.22

                       

Зеленский офиси Қрим кўпригидаги портлашга муносабат билдирди

Қайд этилишича, бу «ҳали бошланиши» ва «ноқонуний барча нарса йўқ қилиниши керак»

Украина президентининг офиси Қрим кўпригида содир бўлган портлашга муносабат билдирди, деб хабар беради «Рамблер». Зеленский офиси раҳбарининг маслаҳатчиси Михаил Подолякнинг айтишича, буларнинг барчаси «бошланиши» ва «ноқонуний ҳар бир нарса йўқ қилиниши керак».

Фото: Twitter

«Қрим. Кўприк. Бошланиш. Ноқонуний барча нарса йўқ қилиниши, барча ўғирланган нарсалар эса Украинага қайтарилиши, Россия оккупация қилган барча нарса — қувилиши керак», — деб ёзади у ижтимоий тармоқлардаги саҳифасига.

Аввалроқ Россия Миллий аксилтеррор қўмитаси (МАҚ) Қрим кўпригининг икки автомобиль оралиқ қисмининг қисман қулаши ва поезднинг ёнилғи цистерналарининг ёнишига юк машинасининг портлаши сабаб бўлганини маълум қилганди.

«Росморречфлот» матбуот хизмати эса Керч бўғози орқали кемалар ҳаракати тўхтатилмаганини билдирган.

Бундан олдин Запорожьедаги турар жой биноларига уюштирилган ракета ҳужумида 11 киши ҳалок бўлгани, Запорожьеда автоколоннанинг ўққа тутилиши оқибатида ҳалок бўлганлар 30 кишига етгани тўғрисида хабар берилганди.

Мавзуга доир хабарлар билан танишинг: