Россия томонидан 10 октябрь куни бошланган ҳужумлар оқибатида Украина энергетика инфратузилмаларининг қарийб 30 фоизига шикаст етган. Бу ҳақда мамлакат энергетика вазири Герман Галушенко CNN’га берган интервьюсида маълум қилди.

Вазирнинг сўзларига кўра, бу Россия қуролли можаро бошланганидан бери Украина энергетика инфратузилмаларини «жиддий нишонга олган» биринчи ҳолат ҳисобланади.

10 октябрь куни Россия Қрим кўпригидаги портлашга жавобан Украинага ракета ҳужумларини бошлади. Электр энергияси таъминоти камида 15 та вилоятда узилган. Айрим туманларда сув билан ҳам муаммолар кузатилмоқда. Львов, Полтава, Хмельницкий вилоятлари, Житомир ва Харьковда инетнетдан фойдаланишда узилишлар кузатиляпти. Россия Мудофаа вазирлигининг қайд этишича, ракеталар Украина ҳарбий бошқарув объектлари ва энергетика тизимларига йўналтирилган бўлган.

Эслатиб ўтамиз, 10 октябрь куни Украина шаҳарларига ракета зарбалари Керч бўғозидан ўтган Қрим кўприги портлатилганидан икки кун ўтиб бошланди. Россия президенти Владимир Путин содир бўлгани воқеани теракт деб атаб, унда Украинани айблаганди. Россия Хавфсизлик Кенгаши котиби ўринбосари Дмитрий Медведев портлашга қарши Россиянинг жавоби фақат «террорчиларни тўғридан-тўғри йўқ қилиш» эканини маълум қилган. Президент Владимир Зеленский қатор шаҳарлар ўққа тутилгани юзасидан мамлакат фуқароларига видеомурожаат йўллаган.