Шавкат Мирзиёев Сеул шаҳри марказида юз берган фожиа оқибатида кўплаб инсонлар ҳалок бўлгани муносабати билан Корея Республикаси Президенти Юн Сок Ёлга таъзия йўллади. Бу ҳақда Президент матбот хизмати хабар берди.

Маълум қилинишича, давлат раҳбари қурбон бўлганларнинг оила аъзолари ва яқинларига ҳамдардлик билдирди, жароҳат олганлар тез фурсатда соғайиб кетишларини тилаган.

Эслатиб ўтамиз, аввалроқ Сеулдаги тиқилинчда ҳалок бўлганлар орасида Ўзбекистон фуқароси ҳам борлиги маълум қилинганди.