Тошкент шаҳри Олмазор, Шайхонтоҳур ҳамда Бектемир туманларидаги айрим ҳудудлар 10 ноябрь, пайшанба куни электр энергияси таъминотидан вақтинча узилди. Бу ҳақда «Тошкент шаҳар электр тармоқлари корхонаси» акциядорлик жамиятининг ахборот хизмати хабар берди.

Қайд этилишича, истеъмолчиларга электр энергиясини сифатли ҳамда ишончли етказиб бериш, юзага келиши мумкин бўлган аварияли узилишларни олдини олиш, куз-қиш мавсумига тайёргарлик кўриш мақсадида ҳамда туман электр таъминоти корхоналари томонидан ҳудудларда паст кучланишли электр узатиш тармоқларини янгилаш ва модернизация қилиш, жорий ҳамда мукаммал таъмирлаш ишлари босқичма-босқич амалга оширилмоқда.

Шу сабабли қуйидаги ҳудудлардаги аҳоли яшаш хонадонларида электр энергиясидан вақтинчалик узилишлар кузатилади:

• Олмазор туманининг: «Олимпия», «Зиё», «Чимбой» маҳаллаларининг аҳоли яшаш хонадонларида ҳамда «Талабалар шаҳарчаси» ҳудудида;
• Шайхонтоҳур туманининг: «Жарариқ», «Янги Белтепа», «Белтепа», Ибн Сино ҳамда Фаробий маҳаллаларида;
• Бектемир туманининг: «Йик ота», «Гулбоғ» ҳамда «Тинчлик» маҳаллаларининг аҳоли яшаш хонадонларида электр энергияси вақтинчалик ўчирилади.