Ўзбекистон шаҳарларидаги ёритиш чироқлари ва электрон реклама эълонларини ўчириб қўйиш режалаштирилмоқда. Бу ҳақда энергетика вазири ўринбосари Шерзод Хўжаев маълум қилди.

Унинг сўзларига кўра, пойтахт ва вилоят марказларида электр энергияси кўп исроф қилинмоқда.

«Тошкент шаҳри ва вилоятлар марказида электр энергияси кўп исроф қилинмоқда. Шу боис шаҳардаги ёритиш чироқлари ва электрон реклама эълонларини вақти-вақти билан ўчириш режалаштирилмоқда», — дейди Хўжаев.

Ходжаевнинг қайд этишича, Энергетика вазирлиги ва вазирлик тизимидаги барча ташкилотлар томонидан истеъмолчиларни энергия ресурслари билан барқарор таъминлаш бўйича тизимли ишлар амалга оширилмоқда.

Аввалроқ Шерзод Хўжаев электр энергиясидаги узилишларнинг сабаби — ускуналарнинг эскирганлиги ёки етарли эмаслигида эмас, балки станцияларимизда электр ишлаб чиқариш учун ёқилғи етишмаслигида эканини айтганди.