АҚШнинг 45-президенти Доналд Трампнинг Twitter ижтимоий тармоғидаги обуначилари унинг ҳисоби блокдан чиқарилганидан кейин 25 миллион кишига етди. Бу ҳақда «Коммерсанть» хабар берди.

Маълум қилинишича, 20 ноябрь куни Twitter’нинг янги эгаси Илон Маск Трампнинг аккаунтини тиклаганлиги ҳақида хабар пайдо бўлган. Унинг ўзи Twitter’га қайтмаслигини айтганди.

Twitter 2021 йил бошида унинг тарафдорлари томонидан Капитолийга қилинган ҳужумдан сўнг Дональд Трампнинг аккаунтини блоклаб қўйганди. Трампнинг сўнгги твити ушбу воқеалардан икки кун ўтгач ёзилган. Унда Дональд Трамп сайланган Президент Жо Байденнинг инаугурациясига бормаслигини айтган.

Сўнгги янгиланишга кўра, Трампнинг обуначилари кун бошидаги 500 мингдан 25 миллионга ошган, Бироқ, кўплаб ижтимоий тармоқ фойдаланувчилари «обуна бўлиш» тугмаси тўғри ишламаётганидан шикоят қилишган.

Маълумот учун, блокировкадан олдин Дональд Трампнинг 88 миллиондан ортиқ обуначиси бор эди.

Эслатиб ўтамиз, аввалроқ Twitter Нигерия президентининг саҳифасини блоклаганди. Шунингдек, Дональд Трамп мамлакатларни Twitter ва Facebook’ни блоклашга чақирганди.