2:40 | 22.11.22

                       

ЖЧ—2022. Бэйлнинг голи Уэльсни мағлубиятдан қутқариб қолди (видео)

Уэльсликлар АҚШ терма жамоасига қарши майдонга тушди

Футбол бўйича ЖЧ—2022 1-турида 21 ноябрь, душанба куни АҚШ терма жамоаси Уэльсга қарши майдонга тушди.

Учрашувнинг 36-дақиқасида Тимоти Веа америкаликларни ҳисобда олдинга олиб чиқди. 2-бўлимнинг 82-дақиқасига келиб, уэльсликлар етакчиси Гарет Бэйл жавоб тўпини киритди. Ўйин 1:1 ҳисобида якунланди ва жамоалар 1 очкодан эга бўлди.

Шу тариқа 1-тур натижасига кўра Англия гуруҳда етакчига айланди. Ундан кейинги ўринларда АҚШ ва Уэльс бормоқда: улар ҳисобида 1 очкодан бор, Эрон эса англияликлардан учралган йирик мағлубиятдан сўнг (2:6) сўнгги поғонани банд этган.

ЖЧ—2022

1-тур баҳси

21 ноябрь, душанба

«В» гуруҳи

АҚШ — Уэльс 1:1

Голлар: 1:0 – 36 Веа, 1:1 – 82, пенальти Бэйл.

АҚШ: Тернер, Дест (Йедлин, 74), Рим, Симмерман, Робинсон, Адамс, Маккенни (Ааронсон, 66), Муса (Акоста, 75), Пулишич, Веа (Моррис, 88), Саржент (Райт, 74).

Уэльс: Ҳеннесси, Робертс, Дэвис, Родон, Мифем, Уильямс (Жонсон, 79), Ампаду, Рэмзи, Уилсон (Томас, 90), Бэйл, Жеймс (Мур, 46).

Огоҳлантиришлар: Дест (11), Маккенни (13), Бэйл (40), Мифем (45), Рим (51).

Мавзуга доир хабарлар билан танишинг: