Аввалроқ Саудия Арабистони терма жамоаси футбол бўйича жаҳон чемпионати биринчи тури доирасида Аргентинани мағлуб этгани ҳақида хабар берилганди. Саудия Арабистони подшоси чоршанба кунини жаҳон чемпионатида Аргентина мағлуб этилиши шарафига дам олиш куни деб эълон қилди. Бу ҳақда Sport-express.ru хабар берди.

Қайд этилишича, Саудия Арабистони қироли Салмон Бин Абдулазиз Ал-Сауд 23 ноябрь, чоршанба кунини дам олиш куни деб эълон қилган.

Маълумот учун, Саудия Арабистони ўз тарихида тўртинчи марта жаҳон чемпионатидаги ўйинда ғолиб чиқди. Бунгача Саудия Жаҳон чемпионати ўйинларида фақат учта ғалабани қўлга киритган: Миср устидан (2:1) жаҳон чемпионати-2018, Бельгия (1:0) ва Марокаш (2:1) устидан жаҳон чемпионати-1994 да.

Ўйиндан сўнг Саудия Арабистони гуруҳ пешқадами бўлиб олди. Аргентина эса ўз гуруҳида сўнгги ўринда бўлиб турибди.

Эслатиб ўтамиз, аввалроқ жаҳон чемпионати доирасида Бейлнинг голи Уэльсни мағлубиятдан қутқариб қолганди. Шунингдек, Нидерландия Сенегални мағлубиятга учратганди.