21:37 | 07.12.22

                       

The Time журнали Владимир Зеленскийни «Йил одами» деб эълон қилди

Журналда у ҳақидаги мақола ҳам чоп этилган

Американинг The Time журнали томонидан Украина президенти Владимир Зеленский 2022 йил якунларига кўра, «Йил одами» деб топилди.

Nil Jeymison tomonidan TIME uchun chizilgan (Manba rasmlari: Getty Images (12); Ivanchuk: Lena Mucha — The New York Times/Redux; Kondratova: Kristina Pashkina — UNICEF; Kutkov: Oleg Kutkovning xushmuomalaligi; Nott: Annabel Moeller — Devid Nott fondi; Payevska: Evgeniy Maloletka - AP)
Фото: The Times

Қайд этилишича, журналнинг 7 декабрь кунги сони муқовасида Зеленскийнинг сурати ва «Йил одами. Владимир Зеленский ва Украина руҳи» ёзувлари чоп этилган.

Журнал мақоласи Зеленскийнинг Херсон озод қилинганидан сўнг ҳаётини хавф остига қўйиб, катта таваккал бўлса-да шаҳарга ташриф буюргани ва аҳоли ҳамда ҳарбийлар билан учрашгани билан бошланади.

«Зеленскийнинг шаҳарга ташрифи Россиянинг чекинишидан кейинги шармандаликни янада кучайтирди ва Украинанинг қишда ҳам қаршиликни давом эттиришга бўлган иштиёқини оширди», дейилади журнал мақоласида.

Мақолада шунингдек, The Time журналистининг Украина президенти билан озод қилинган Херсонга қилган сафари ҳикоя қилинади.

«Зеленскийнинг таржимаи ҳолида унинг туришга ва курашишга тайёрлигига оид кўп нарса башорат қилинмаган. У ҳеч қачон армияда хизмат қилмаган ва унинг ишларига катта қизиқиш билдирмаган. У фақат 2019 йил апрелидан бери президент бўлиб келган. Унинг профессионал инстинктлари саҳнадаги актёр, импровизация комедияси бўйича мутахассис ва кино бизнесида продюсер сифатида бутун ҳаёти давомида шаклланган»,— дейилади The Time мақоласида Владимир Зеленскийнинг ҳаёт йўли ҳақида.

Маълумот учун, журнал 1927 йилдан бери «Йил одами» унвонига сазовор бўлган кишиларни эълон қилиб келади. 2021 йилда миллиардер Илон Маск шундай номга лойиқ кўрилган. Аввалроқ Financial Times ҳам Зеленскийни «йил одами» деб эълон қилганди.

Эслатиб ўтамиз, 2021 йилда Буюк Британиянинг марҳум қироличаси Елизавета II «Йил кекса одами» мукофотини олишдан бош тортганди.

Мавзуга доир хабарлар билан танишинг: