Россия президенти Владимир Путин Қирғизистон пойтахти Бишкекда бўлиб ўтган ЕОИИ саммитида Россия, Ўзбекистон ва Қозоғистон иштирокидаги уч томонлама газ иттифоқи ҳақида фикр билдирди. Бу ҳақда РИА Новости хабар берди.

Путиннинг таъкидлашича, Россиянинг Ўзбекистон ва Қозоғистон билан газ иттифоқини яратиш масаласи ўзаро келишув ва муроса қарорларини талаб қилади.

«Ўзаро келишув келишилган ва, эҳтимол, қаердадир муросали ечимларни ишлаб чиқиш ва қабул қилишни талаб қиладиган кўп масалалар борки, уларни аниқ топиш мумкин. Яъни, бу маънода қандайдир энергетик иттифоқ бўлиши мумкин», – деди Путин.

Шу билан бирга, президент Ўзбекистоннинг ЕОИИ мамлакатлари олдидаги мажбуриятларни эслатди.

«Ўзбекистон ҳамон кузатувчи мақомига эга, албатта, бу Ўзбекистоннинг Евроосиё ишига яқиндан назар ташлаши ва бу ерда бутун ташкилот билан умумий тил топишиши учун сабабдир», — дея қўшимча қилди у.

Шунингдек, унинг сўзларига кўра, Қозоғистон ва Ўзбекистон газ иттифоқи бўйича қўшма ишларга тайёр ҳамда улар аллақачон бошланган.

Аввалроқ Қозоғистон президенти Тўқаев Қозоғистон Россия ва Ўзбекистон билан газ иттифоқини чиқишга тайёрлиги, шунингдек, Россия президенти матбуот котиби Россия, Қозоғистон ва Ўзбекистон ўртасида уч томонлама иттифоқ тузиш ғоясига изоҳ бергани ҳақида хабар берилганди.