Кремлга қарашли бинода ўғрилик содир этган Ўзбекистон фуқароси ушланди

У бинодан 7 дона электр вентиляция клапанини олиб чиқиб кетган

Россия полицияси Кремль ҳудудидаги бинодан электр вентиляция клапанини ўғирлаганликда гумонланаётган 21 ёшли ўзбекистонликни қўлга олди

«MK.ru» нашрининг ёзишича, гумонланувчи Ўрта савдо қаторлари биносини реставрация қилиш вақтида Кремль музей мажмуаси биноси вентиляциясига кирган ва у ердан 7 та клапан ўғирлаган. Ҳозирда мутахассислар зарар миқдорини аниқламоқда.

Маълумот учун, меъмор Роман Клеин лойиҳаси бўйича 1889-1893 йилларда қурилган Ўрта савдо қаторлари биноси 2005 йилгача Россия Мудофаа вазирлиги тасарруфида эди. Кейинчалик у Федерал хавфсизлик хизматига (ФХХ) ўтказилган. 2012 йил июнь ойида президент Владимир Путин бинони Москва Кремль музейи тасарруфига ўтказишни таклиф қилган.

Аввалроқ Петербургда икки ўзбекистонлик Тожикистон фуқароси калтаклаб, 630 минг рублини тортиб олгани хабар берилганди.

Мавзуга доир хабарлар билан танишинг: