Gem4me мессенжерини ривожлантириш гуруҳи раҳбари Ваге Закарян 9 февраль, сешанба куни «Prime» агентлигига берган интервьюсида ижтимоий тармоқларда шахсий исм-фамилия билан рўйхатдан ўтишнинг хавфли эканлиги ҳақида гапирди.

Мутахассиснинг айтишича, қимор ўйинларига қарамлик, алкоголь ичимликларининг ҳаддан ортиқ истеъмоли — ҳар қандай нарса, шахсий маълумотларни қўлга киритган одамларга пул тўлаш учун сабаб бўлиши мумкин.

«Исмни яширмаслик ва яшаш шароити билан очиқчасига мақтаниш ўғриларга қилинган очиқ чақириқдир», деб қайд этди Закарян.

Таъкидланишича, бугунги кунда одамлар тармоқдаги ҳаддан ташқари очиқлик зарар етказиши мумкинлигини англай бошлаган. Шу боис ижтимоий тармоқларда ўзларининг ҳақиқий исмлари билан рўйхатдан ўтишни тўхтатиб, анонимлик кўпроқ кафолатланган мессенжерлардан фойдаланишяпти. Шунингдек, ҳозирда Ғарбда ижтимоий тармоқлардан бутунлай воз кечиш ғояси оммалашган бўлиб, бу «боғланишсиз» яшашга қодир эркин одам аломати деб ҳисобланилади.

Аввалроқ Хитойда интернет фойдаланувчилари сони 1 миллиард кишига яқинлашгани хабар қилинган. Шунингдек, Туркманистон Адлия вазирлиги интернетга уланиш қоидаларини эълон қилганди.