Ўзбекистонда 6 февраль ҳолатига қанча кўнгилли Хитойнинг коронавирусга қарши «ZF 2001» вакцинаси билан эмлангани маълум бўлди. Бу ҳақда «Koronavirus Info»да хабар берилди.

Таъкидланишича, 6 февраль ҳолатига кўра Ўзбекистонда «ZF 2001» вакцинаси синовида иштирок этиш учун умумий келганлар 14 112 нафарни ташкил этди. Улардан 6590 нафар кўнгилли вакцинанинг 1-дозаси билан ва 1112 нафар кўнгилли вакцинанинг 2-дозаси билан эмланди.

Маълумот учун, Инновацион ривожланиш вазирлиги Хитойнинг «Zhifei Loncom Biofarmaceutical» компанияси томонидан яратилган «ZF 2001» вакцинасининг учинчи синов босқичлари давом этаётганини маълум қилган. Тадқиқотда 5 минг нафар кўнгилли эмас, 9 минг нафар кўнгилли иштирок этади.

Мавзуга доир:

• Ўзбекистонда коронавирусга қарши кураш учун сарфланган маблағлар нимага ишлатилгани очиқланди
• Ўзбекистонда вакцина олган кўнгилли фуқаронинг саломатлиги суғурталанганми? Вазирлик жавоб берди

Эслатиб ўтамиз, аввалроқ Инновацион ривожланиш вазири вирусга қарши эмланганидан сўнг антитананинг ҳосил бўлгани ҳақида маълум қилган.