Хитой 12 февралда кириб келувчи Янги йилни нишонлашга тайёргарлик кўрмоқда. Хитой тақвимига кўра, 2021 йил Буқа йили бўлиб, мамлакатда расмий дам олиш кунлари 2021 йилнинг 11 февралидан 17 февралига қадар давом этади. Байрам тантаналари эса анъанавий равишда 16 кун бўлади ва 12 февралдан 26 февралгача ўтказилувчи фонарлар фестивали билан бирга нишонланади.

ХХР Соғлиқни сақлаш давлат қўмитасининг маълум қилишича, байрам арафасида мамлакатда коронавирус инфекциясининг янги ҳолатлари аниқланмаган.

Аввалроқ ЖССТнинг Уханда коронавирус келиб чиқиши ҳолатини қандай текшираётганлиги хабар қилинганди.