Шавкат Мирзиёев 10 февраль, чоршанба куни ўтказган селекторида вазирлар иш кунларини республика бўйлаб ҳудудларда ўтказиши кераклигини таъкидлаб ўтди.

Ўтказилган селекторда давлат раҳбари вазирлар шанба ва якшанба кунлари Тошкентда бўлишини маълум қилган:

«Вазирлар фақат шанба ва якшанба кунлари Тошкентда бўлишади. Якшанба куни уйда бўлади, яхшилаб дам олиб, бола ва невараларни ўқитиб, душанбадан яна ҳудудларга кетишади.

Агар ҳафта ўртасида бирорта вазирни Тошкентда кўрсам, ишдан оламан. Вазир республикага хизмат қилади, Тошкентни қоровуллаб ўтирмайди», — дейди Шавкат Мирзиёев.

Шунингдек, Президент бундан сўнг вазирлар душанба куни бош вазир билан ҳафталик иш режа тузиб олишини айтган:

«Душанба куни вазирлар бош вазир билан йиғилиш ўтказиб, ҳисоботларини беради, ҳафта учун иш режасини тузиб олади ва вилоятларга кетади».

Мавзуга доир:

• «Маҳалла раиси ва участка нозирларини ҳокимиятга мажлисга чақириш қатъиян тақиқланади» — Шавкат Мирзиёев
• «Уларнинг маошини ошириш бўйича иш олиб бормоқдамиз» — Президент ички ишлар соҳасида қилинадиган ўзгаришлар ҳақида
• Шавкат Мирзиёев давлат активларини хусусийлаштиришни тезлаштириш бўйича топшириқ берди

Аввалроқ Президент аҳолини коронавирусга қарши эмлаш ишларини бошлаш зарурлигини таъкидлаган эди.