Сицилияда отилган Этна вулқони — фоторепортаж
Сицилиянинг шарқий қирғоғида жойлашган Этна тоғида вулқон отилди. Европадаги энг йирик фаол вулқон ҳисобланувчи Этнанинг отилиши лава фавворалари ва катта миқдордаги кул чиқарилиши билан бирга кечди.
Отилиш оқибатида юзага келган улкан булутлар вулқон кратеридан бир километр юқорига кўтарилди.
Сицилия ҳукумати вулқон отилиши аҳоли учун жиддий хавф туғдирмаслигини таъкидлади. Отилиш тоғнинг жануби-шарқий ёнбағрида содир бўлгани боис лава оқимлари денгиз сатҳидан икки километр баландликда тўхтаб, одамлар яшайдиган жойларга етиб бормади.
Аммо тош парчалари бир нечта аҳоли пунктларига тушди.
Кул ва ҳосил бўлган тутун туфайли Сицилия ороли шарқидаги Катания аэропорти ёпилди.
Вулқоннинг бундан олдинги отилиши 3 февралда содир бўлганди.
Аввалроқ Грецияда кучли ёққан қор жамоат транспорти ҳаракатини бутунлай тўхтатгани хабар берилганди.
