Ўзбекистонда рухсатсиз «тонировка» учун жарима миқдори камайтирилиши мумкин
Ўзбекистонда рухсатсиз «тонировка» учун белгиланган жарима миқдори камайтирилиши мумкин. Бу ҳақда ИИВ ЙҲХББ бошлиғи ўринбосари Эрали Бозоров маълум қилди.
Унинг сўзларига кўра, бу борада Маъмурий жавобгарлик тўғрисидаги кодексга ўзгартириш киритиш ҳақидаги қонун лойиҳаси ишлаб чиқилган. Шунингдек, лойиҳадан нафақат рухсатсиз «тонировка» учун жаримани камайтириш, балки бошқа масалалар ҳам ўрин олган.
«Депутатларимиз томонидан Қонунчилик палатасида кўриб чиқилгандан сўнг маъқулланса, бу масала ҳал бўлади», — деган Эрали Бозоров 19 февраль куни бўлиб ўтган матбуот анжуманида.
Аввалроқ Ўзбекистонда ягона портал орқали «тонировка»га рухсатнома олиш мумкин бўлиши маълум қилинганди.
