Фарғона ва Истанбул орасида мунтазам авиақатнов йўлга қўйилади
Фарғона ва Истанбул шаҳарлари орасида мунтазам авиақатнов йўлга қўйилади. Бу ҳақда «Uzbekistan Airways» авиакомпанияси ахборот хизмати хабар берди.
Хабарга кўра, қатновлар 3 апрелдан ҳафтасига икки марта — чоршанба ва шанба кунлари амалга оширилади:
- Фарғона–Истанбул: учиш — 08:50, қўниш — 12:30;
- Истанбул–Фарғона: учиш — 14:00, қўниш — 20:50.
Маълум қилинишича, Фарғона–Истанбул йўналишида «иқтисодий» тоифа учун бир томонлама чипта нархи 4 533 457 сўмдан, «иқтисодий» фойдали таклифи 3 631 917 сўм, бизнес тоифаси учун 7 353 988 сўмни ташкил этади. Шунингдек, Истанбул–Фарғона йўналишида «иқтисодий» тоифа учун бир томонлама чипта нархи 4 591 189 сўмдан, «иқтисодий» фойдали таклифи 3 748 107 сўм, бизнес тоифаси учун 9 059 526 сўмга тенг.
Мавзуга доир:
- Самарқанд–Жакарта авиарейси йўлга қўйилиши мумкин
- Тошкент–Нур-Султон–Тошкент йўналишида авиарейслар сони кўпайтирилади
- Тошкент–Франкфурт–Тошкент йўналиши бўйича доимий авиақатновлар тикланди
Аввалроқ Наврўз байрами арафасида Эрондан чартер рейслар йўлга қўйилиши, Ўзбекистон Германия билан авиақатновларни тиклагани ҳамда республика бўйлаб янги авиа ҳамда темир йўл қатновлари йўлга қўйилиши ҳақида хабар берилганди.
