Ўзбекистонда неча киши алимент тўламай юргани учун қидирилаётгани маълум бўлди
Ўзбекистонда 3088 нафар алимент тўловчининг 2910 тасига алимент тўламасдан юргани учун қидирув эълон қилинган. Бу ҳақда АОКАда 1 март, душанба куни ўтказилган матбуот анжуманида Бош прократура ҳузуридаги Мажбурий ижро бюроси қидирув бўлими ходими маълум қилди, деб хабар бермоқда «Bugun.uz» мухбири.
Қайд этилишича, матбуот анжуманида бугунги кунда қанча киши алимент тўламай яшириниб юрганлигига ойдинлик киритилган.
«Қидирувдаги 485 нафар алемент тўламаган шахс топилган. Шу билан бир қаторда, 2603 киши ҳамон қидирувда. Ижро хужжатларини бажаришдан бўйин товлаб юрганларга нисбатан қидирув тадбирларидан ташқари, уларга мамлакат ҳудудидан чиқиб кетмаслик чеклови қўйилган», — деди Мажбурий ижро бюроси масъул ходими.
Мавзуга доир:
- Ўзбекистонда алиментни махсус пластик карталар орқали тўлаш йўлга қўйилади
- Ўзбекистонда алимент тўлови учун яратилган мобиль илова интернетсиз ҳудудларда қандай ишлайди? Мутасадди жавоб берди
Аввалроқ Ўзбекистонда 230 мингдан ортиқ алимент олувчилар учун пластик карточкалар тайёрлаб берилиши хабар қилинганди.
