Қашқадарё вилояти Қарши туманида 25 февраль куни эр ўз хотинини калтаклаб, ўлдириб қўйди. Бу ҳақда «Zamon» информацион дастурида хабар берилди.

Маълум қилинишича, эр-хотиннинг жанжалига болалар учун бериладиган нафақа пули сабаб бўлган. Тун бўйи давом этган жанг тонгга бориб якунланган.

«Эрталаб тонгги 6:30 да тоға бизнинг уйга ўтди. Ҳовлига келиб қарасак, аёлнинг устини ёпиб қўйган. Нима бўлди, деб сўраганимизда ҳуснбузарини сиқиб олиб, орқага кетиб қолди, деди. Аёли рўзғорга пул оз олиб келади, етишмовчилик бор дерди. Аммо урди-сўкди демаган», — дейди қўшни Нодира Нурматова.

Шунингдек, оиланинг ижтимоий ҳолати ўртача эканлиги аниқланган. Эркак деҳқончилик қилиб кун кўрган.

«Нафақа пулининг устида гап кетди. 800 минг сўмни топиб келасан, деди. Мен қаердан топаман, оддий деҳқон бўлсам, одамларнинг уйида ер ағдарсам», — дейди айбланувчи.

Мавзуга доир:

• Хоразмда синглисини тунда бегона машинадан тушганини кўрган ака ҳайдовчини ўлдирди
• Андижонда эркак ишдан кеч келган хотинини уриб ўлдирди

Аввалроқ Фарғонада отасини яраштиришга борган ўғил унинг дўстини дўппослаб ўлдиргани ҳақида хабар берилганди. Шунингдек, Қашқадарёда ука уйига девордан ошиб кирган опасининг йигитини пичоқлаб ўлдиргани хабар қилинган.