Коронавирусга қарши намойишлар, Ливандаги халқ норозилиги, Хонободда Наврўз шукуҳи. 20 март суратлари
20 март суратларини эътиборингизга ҳавола этамиз.
Буюк Британия пойтахти Лондон шаҳрида коронавирус тадбирлари ва вакцинацияга кампаниясига қарши норозилик намойишлари бўлиб ўтди. Намойишларни ташкил қилган «World Wide Rally For Freedom» ҳаракати «Q’Anon» конспирологик ташкилотига яқин қарашларга эга бўлган ташкилот ҳисобланади.
Бир неча кун олдин АҚШнинг Атланта шаҳрида осиёликлар ишлатадиган СПА салонида бир нечта ходимлар ўлдириб кетилган эди. Бунинг ортидан мамлакат бўйлаб ирқчиликка қарши намойишлар бўлиб ўтмоқда. Жумладана, Ню Ёркда ҳам шундай намойишлар бўлиб ўтди.
Бир неча йилдан буён иқтисодий, сиёсий инқироз ичида қолаётган Ливанда аҳоли яшаш шароитларининг оғирлиги, доллар қийматининг ошиб кетишига норозилик намойишлари тинмаяпти. Мамлакатда ҳалигача сиёсий инқирозга ечим топилгани йўқ.
Юртимизда Наврўз шукуҳи кезиб юрибди. Бу йил ҳам 2019 йилгидек байрам арафаси бир оз ўзгача кечмоқда. Бугун Андижон вилоятининг Хонобод туманида ҳам Наврўз тантаналари бўлиб ўтди.
