Наманганда ўғил ўз уйидан пул ва тилла тақинчоқларни ўғирлади
Ўғилнинг онаси ҳолат юзасидан ИИБга мурожаат қилган
Наманган шаҳрида 2021 йил 15 март куни ўгил ўз уйидан пул ва тилла тақинчоқларни ўғирлади. Бу ҳақда Ички ишлар вазирлиги ахборот хизмати хабар берди.
Маълум ққилинишича, 58 ёшли фуқаро ариза билан мурожаат қилиб, 15 март кунига ўтар кечаси темир сейф ичидаги 200 АҚШ доллари, 2 058 000 сўм пуллари ва умумий нархи 1 300 000 сўмлик 2 дона тилла узук ҳамда бир жуфт тилла балдоқларини ўғирлаб кетганлигини маълум қилиб, чора кўришни сўраган.
Наманган шаҳар Ички ишлар органлари фаолиятини мувофиқлаштириш бошқармаси 3-сонли Ички ишлар бошқармаси Жиноят қидирув бўлими томонидан олиб борилган суриштирув ҳаракатлари олиб борилган. Натижада, ушбу жиноятни бирга яшовчи 31 ёшли ўғли содир этганлиги аниқланган.
Ушбу ҳолат бўйича Жиноят кодексининг 169-моддаси (Ўғрилик) 1-қисми билан жиноят иши қўзғатилган.
Мавзуга доир:
Аввалроқ Тошкентда 70 ёшли аёлни бўғиб, уйидан тилла ва пул ўғирлаб кетган икки эркак ушлангани ва Самарқандда фол очиб, аёлнинг тилла зиракларини талон-торож қилган лўлилар қўлга олингани хабар қилинган эди.
