Самарқанд вилоятида 28 март куни ёққан ёмғир Пахтачи туманинг асосий кўчаларидан биридаги кўприкни бузиб юборди. Бу ҳақда туман ҳокимлиги ахборот хизмати хабар берди.

Хабарга кўра, Пахтачи туманининг асосий кўчаларидан бири 4К–560 Болтали-Боғолони Зиёвуддин автомобиль йўлининг 12–13 километлари оралиғидаги зовур кўприги катта талофат кўрди. Шу сабабли ушбу кўприкдан автомобиллар, ҳамда пиёдаларнинг ҳам ўтиши тақиқланди. Бундан ташқари:

• М 37 халқаро автомобиль йўлининг Пахтачи тумани ҳудудида жойлашган қисмидан Қарнобота қишлоғига олиб борадиган давлат аҳамиятидаги 4Р 185 – М 37 автомобиль йўли;
• Давлат аҳамиятидаги 4Н-533 Хумор–Пўлатчи–Жағалбой йўли;
• Давлат аҳамиятидаги 4Р-52 ва 4К-561 Қуйибоқ Пахта заводи–Шағал заводига кириш» йўллари ҳам табиий офатдан зарар кўрганлиги сабабли ёпилган.