Тарих кучли ва журъатли шахслар томонидан ёзилади. Улар ўз номини тарих солномаларига ёзиб, вафотидан кейинги бир неча асрлар давомида ҳам сақланиб қоладиган мерос қолдиришади. Биз уларни дарсликлар саҳифаларида, ўша тарихий даврга оид вазиятдаги суратлари орқали кўришга ўрганиб қолганмиз. Лекин, ҳеч ўйлаб кўрганмисиз, Генрих VIII ёки Наполеон Бонапарт ҳозир қандай кўринишда бўлган бўларди?

Eлизавета I. Унинг бошқарув даври Англия учун олтин аср бўлган, у турмуш қурмаган ва болалари бўлмаган (расмий талқинга кўра), лекин жуда ақлли ва ўқимишли аёл бўлган. Ҳозирги дунёда у эҳтимол кучли лидер бўлиб, шунингдек, феминист бўлган бўларди.

Унинг отаси Генрих VIII — Англиянинг XVI асрдаги қироли. Уни кўпчилик, бошқаруви ҳамда яхшигина ёзувчи бўлгани ҳамда ипохондрия билан оғригани билан эмас, балки олтита бахтиқаро хотини бўлгани билан эслашади. Учинчи минг йилликда у, эҳтимол, таблоидлар юлдузи бўлиб, шунингдек, тахаллус остида ижод қилган бўларди.

Миср маликаси Нефертити. Унинг исми «соҳибжамол келди» деб таржима қилинади. У тарихдаги энг гўзал ва қудратли аёллардан бири бўлган. Унинг келиб чиқиши ва оиласи ҳақида ҳанузгача ҳеч қандай маълумот мавжуд эмас, лекин мамлакатни унинг эри бошқарган пайтдаги диний соҳада бошланган ўзгаришлар ҳозиргача ҳам дарсликларда ўқитилади. Фиръавнга олтита қиз туғиб бергач, малика сирли равишда изсиз ғойиб бўлган.

Рок-н-ролл қироли Элвис Преслининг Жесси Герон исмли эгизаги бўлган ва у туғилгандан кейинги эртаси кунда вафот этган. Қўшиқчи ҳеч қачон дунё бўйлаб гастролга чиқмаган, чунки унинг менежери Колонел Паркер нолегал муҳожир бўлган ва, эҳтимол, шу сабабдан хорижда концерт қўйишдан бош тортган бўлса керак.

Франция қироличаси Мария Антуанетта 14 ёшида ўзи аввал ҳеч қачон кўрмаган ва танимаган одамга турмушга чиққан (бу ўша пайтларда оддий ҳол бўлган). 37 ёшда эса уни оиласи билан бирга қатл қилишган.

Англия қироли Эдуард VIII — қиролича Eлизавета II нинг амакиси тахтда унчалик кўп ўтирмаган ва америкалик, икки марта эрдан ажрашган аёл Уоллис Симпсонга бўлган муҳаббати туфайли тахтдан воз кечган. У тахтдан воз кечиши билан ўша аёлга уйланган.

Жозефина Богарне — генерал Наполеонга турмушга чиққан ва кейинчалик Франция императори бўлган оқсуяк аёл. 13 йилдан кейин Наполеон у билан ажрашган. Сабаби Жозефина унга ворис туғиб бера олмаган. Лекин шундан кейин ҳам у Европадаги кўплаб қироллик хонадонлари билан қариндошликни сақлаб қолган.

Уильям Шекспир — буюк инглиз ёзувчиси, жаҳоннинг энг кучли драматургларидан бири деб ҳисобланади. Унинг пьесаларини ҳозиргача ҳам бошқа исталган асарлардан кўра кўпроқ қўйилади.

Горацио Нельсон – машҳур адмирал, Британия флоти қўмондони, Трафалгар жангида Англияни қутқарган шахс.

Алберт Эйнштейн — ўз даврининг энг таниқли физиги.

Владимир Ленин — инқилобчи ва СССРнинг асосчиси.

Наполеон Бонапарт — шахсияти ҳали-ҳануз тарихчиларни тинч қўймаётган одам. Ватерлоо жангидаги мағлубиятдан кейин Наполеон АҚШга муҳожирликка кетиш ҳақида ҳам ўйлаб кўрганини кўпчилик билмаса керак. Британия унинг денгизни кесиб ўтишига йўл қўймаган ва оқибатда у умрининг охирги кунларини Атлантика ўртасидаги кимсасиз оролда ўтказишга мажбур бўлган.