Доғистонда Ўзбекистоннинг зиёрат туризм салоҳияти тақдимоти ўтказилди — фото

Доғистонда Ўзбекистоннинг зиёрат туризм салоҳияти тақдимоти ҳамда икки мамлакат туроператорлари ўртасида B2B учрашувлар ўтказилди. Бу ҳақда Туризмни ривожлантириш давлат қўмитаси ахборот хизмати «Bugun.uz»га маълум қилди.

Фото: Туризмни ривожлантириш давлат қўмитаси ахброт хизмати

Маълум қилинишича, бош вазир ўринбосари, Туризмни ривожлантириш давлат қўмитаси раиси Азиз Абдуҳакимов топшириғи билан Доғистонда «Имомлар юртига саёҳат» йўналишидаги тарғибот ишлари бошланган. Қайд этилишича, Туризмни ривожлантириш давлат қўмитаси, Халқаро Ислом академияси, Ўзбекистон Ошпазлар уюшмаси вакилларидан иборат делегация Ўзбекистоннинг Россиядаги элчихонаси ҳамда Ростов-Дондаги Бош консуллиги кўмагида Доғистоннинг Махачқалъа шаҳрига ташриф буюрган.
Дастлаб делегация вакиллари ҳамда Доғистоннинг миллий сиёсат ва дин ишлари бўйича вазири Энрик Муслимов ўртасида учрашув ўтказилган. Унда вазир Ўзбекистон–Доғистон ўртасидаги алоқаларни янада ривожлантириш тарафдори эканини таъкидлаб ўтган.

Фото: Туризмни ривожлантириш давлат қўмитаси ахброт хизмати

Шунингдек, учрашувда Доғистон муфтийсининг биринчи ўринбосари Аҳмад Ҳожи Кахаев ҳам иштирок этиб, Баҳоуддин Нақшбанд, Имом ал-Бухорий, Имом ат-Термизий каби дин уламоларининг ислом оламидаги ўрнини алоҳида эътироф этган. Шу билан бирга, у ушбу учрашувлар доирасида томонлар ўртасида зиёрат туризми ривожлантирилишидан мамнун эканини таъкидлаган.

Бундан ташқари, делегация ташрифи доирасида муфтиятда Доғистон муфтийси, Мусулмонлар марказий маънавий бошқаруви раиси Шайх Аҳмад Ҳожи Абдуллаев билан учрашув бўлиб ўтган. Муфтий зиёрат туризмини ривожлантириш орқали икки томонлама ҳамкорлик алоқаларини янада мустаҳкамлаш ҳамда диний билимлар бўйича таълим туризмини ҳам ривожлантириш зарурлигини айтган. Доғистон томони делегация таркибидан ўрин олган ўзбекистонлик хаттот Ҳабибуллоҳ Солиҳни доғистонлик педагоглар учун малака ошириш курслари, талабалар учун эса хаттотлик бўйича маҳорат дарсларини ўтишга таклиф қилган.

Фото: Туризмни ривожлантириш давлат қўмитаси ахброт хизмати

Қолаверса, учрашувда Махачқалъа шаҳридаги «Тарихий парк»да Ўзбекистоннинг зиёрат туризм салоҳияти тақдимоти ҳамда хаттотлик бўйича маҳорат дарси ўтказилган. Унда хаттот Ҳабибуллоҳ Солиҳ томонидан маҳорат дарси ташкиллаштирилган.

Фото: Туризмни ривожлантириш давлат қўмитаси ахброт хизмати
Фото: Туризмни ривожлантириш давлат қўмитаси ахброт хизмати

Ўзбекистон ва Доғистон туроператорлари ўртасида ўтказилган B2B форматидаги учрашувларда доғистонлик 30 га яқин туроператор келиб, ўзбекистонлик туроператорлар билан ҳамкорлик алоқаларини мустаҳкамлади.

Аввалроқ туркиялик инфлюенсерлар зиёрат туризми бўйича Ўзбекистонга келгани ва Ўзбекистонда «Имом Бухорий» зиёрат туризми йўлдош телеканали ташкил этилиши хабар қилинган эди.

Ўзбекистонда Ҳаж ва Умра зиёратлари нархи арзонлашиши мумкин
Жамият21:33 | 28.9.22
Ўзбекистонда Ҳаж ва Умра зиёратлари нархи арзонлашиши мумкин
Бугун оқшоми. Ҳокимларга танбеҳ берган Умурзоқов, робот томонидан ўтказилган илк жарроҳлик амалиёти, фуқарони калтаклаган ИИБ ходимлари
Жамият21:02 | 28.9.22
Бугун оқшоми. Ҳокимларга танбеҳ берган Умурзоқов, робот томонидан ўтказилган илк жарроҳлик амалиёти, фуқарони калтаклаган ИИБ ходимлари
«Транспорт ва логистикани янги босқичга олиб чиқмасак, иқтисодиётнинг барқарор ривожини таъминлай олмаймиз» — Шавкат Мирзиёев
Жамият20:38 | 28.9.22
«Транспорт ва логистикани янги босқичга олиб чиқмасак, иқтисодиётнинг барқарор ривожини таъминлай олмаймиз» — Шавкат Мирзиёев
Чирчиқ дарёсида балиқлар оммавий нобуд бўлаётгани айтилди
Жамият, Тошкент вил.20:35 | 28.9.22
Чирчиқ дарёсида балиқлар оммавий нобуд бўлаётгани айтилди
Олий суд Фарғонада фуқарони калтаклаган ИИБ ходимлари судда оқлангани юзасидан баёнот берди
Жамият19:58 | 28.9.22
Олий суд Фарғонада фуқарони калтаклаган ИИБ ходимлари судда оқлангани юзасидан баёнот берди
Қамчиқ довонида юк автомобили ёниб кетди
Жамият19:35 | 28.9.22
Қамчиқ довонида юк автомобили ёниб кетди