Идлибда қурилган брикет уйлар, Италияда эшкакчилар, Наманганда картинг пойгаси — 3 апрель суратлари
Суриядаги урушдан энг кўп азият чеккан ҳудудлардан бири — Идлиб вилоятида Турк Қизилой нодавлат-нотижорат ташкилоти томонидан бетон брикетлардан ҳудуд аҳолиси учун уйлар қурилмоқда. Бугун беш мингта қурилиши мўлжалланган уйларнинг 784 таси битказилиб, унга оилалар жойлаштирилди. Уйларнинг ҳар бирининг майдони 35 метр квадратни ташкил қилади.
Бугун Наманган вилоятининг Учқўрғон туманида «Формула-1»дан қолишмайдиган картинг мусобақаси ўтказилди. Унда етти ёшдан етмиш ёшгача бўлган барча картинг ихлосмандлари иштирок этди. Мусобақа якунида ғолиблар тақдирланди. Пойгадан фотолавҳаларни томоша қилишингиз мумкин.
Италияда эшкак эшиш бўйича Европа чемпионати ва Токио олимпиадасига йўлланма учун бўладиган баҳсларда иштирок этувчи атлетлар Варезе кўлида тайёргарлик машғулотларини ўтказмоқда. Жараёндан олинган ажойиб суратларни эътиборингизга ҳавола этишдан мамнунмиз.
