Аввалроқ Фарғона ва Истанбул орасида мунтазам авиақатнов йўлга қўйилиши ва Самарқанд–Жакарта авиарейси йўлга қўйилиши маълум қилинган. Шунингдек, Ўзбекистон Ҳиндистон билан мунтазам авиақатновларни тиклаган.
Ўзбекистондан Россияга учувчи мунтазам авиарейсларнинг ҳозирча қайта йўлга қўйилмагани маълум қилинди
Россия ҳукумати ҳузуридаги тезкор штабнинг «Коронавирус инфекциясининг кириб келиши ва тарқалишининг олдини олиш тўғрисида»ги қарори билан мамлакат 1 апрелдан Ўзбекистон билан мунтазам авиақатновларни тиклаши тўғрисида хабар берилганди.
Россия ҳукумати ҳузуридаги тезкор штаб хабарига кўра, Москва ва Тошкент ўртасида ҳафтасига 1 маротаба мунтазам рейс амалга оширилиб, ўзбекистонликлар фақат шу рейсдангина фойланиши мумкин.
Ҳозирда амалга оширилаётган бошқа рейслар чартер ҳисобланади — Россия ҳудудига кириш учун бирор асос кўрсатилиши мажбурий этиб белгиланган (масалан, ўқиш).
Авиакомпаниялар ва парвозлар кунлари тўғрисидаги маълумотлар икки мамлакат авиация масъуллари ўртасидаги келишувдан сўнг эълон қилинади.
