Американинг «SpaceX» хусусий компаниясининг «Starship SN11» космик кемаси прототипи метан оқиши сабабли портлаган. Бу ҳақда Илон Маскнинг Twitter саҳифасига таяниб «РИА Новости» хабар берди.

«Метан оқиб чиқиши  иккинчи рақамли двигатель ва бортдаги электрон ускуналарнинг бир қисми ёниб кетишига сабаб бўлган. Биз ҳар қандай йўл билан носозликларни бартараф этамиз», — дея таъкидлаган Илон Маск.

Маълум бўлишича, ҳозирда «Starship SN15» янги прототипи учириш майдонига чиқишга тайёрланаётгани ва у замонавий дизайн, дастурий таъминот ва двигателга эгалиги билан бошқа прототиплардан фарқланиши қайд этилган.

Маълумот ўрнида, «SN11» АҚШнинг Техас штатида 30 март куни ўтказилган синовлар пайтида, «SN10» прототипи ҳам қўнганидан бир неча дақиқа ўтиб, «SN9» прототипи эса 10 километр баландликка кўтарилгандан кейин портлаган.

Аввалроқ «SpaceX» компаниясининг космик кемаси қўниш пайтида портлаб кетгани ҳақида хабар берилганди. Шунингдек, Илон Маск Марсга қачон ракета учириши маълум қилинган.