Шавкат Мирзиёев томонидан 9 апрель куни имзоланган фармонга асосан, Азиз Абдуҳакимов туризм ва спорт вазири лавозимига тайинланди. Бу ҳақда ЎзА хабар берди.

Қайд этилишича, Президентнинг 9 апрель кунги қарори асосида вазирликда қатор тайинловлар амалга оширилган. Унга кўра,

• Улуғбек Азамов туризм ва спорт вазирининг биринчи ўринбосари лавозимига;
• Абдулазиз Оққулов туризм ва спорт вазирининг ўринбосари лавозимига;
• Авазжон Каримов туризм ва спорт вазирининг ўринбосари лавозимига;
• Зариф Қозоқов туризм ва спорт вазирининг ўринбосари лавозимига тайинланди.

Шунингдек, Президентнинг тегишли қарори асосида бошқа ишга ўтиши муносабати билан жисмоний тарбия ва спорт вазирининг биринчи ўринбосари Равшан Эрматов ҳамда жисмоний тарбия ва спорт вазирининг ўринбосари Нодир Хужамқулович Муротов лавозимидан озод этилди.

Президентнинг тегишли қарори асосида бошқа ишга ўтиши муносабати билан Фахриддин Давруков Туризмни ривожлантириш давлат қўмитаси раисининг ўринбосари лавозимидан озод этилди.

Эслатиб ўтамиз, аввалроқ Азиз Абдуҳакимов номзоди депутатлар томонидан туризм ва спорт вазири этиб маъқулланганди. Шунингдек, Президентнинг тегишли фармонига асосан Туризм ва спорт вазирлиги ташкил этилгани хабар қилинган.