Лондондаги намойишлар, Донбассдаги вазият, вакцинация жараёнлари — 24 апрель суратлари
Эътиборингизга 24 апрелнинг долзарб суратларини тақдим этамиз.
Буюк Британия пойтахти Лондонда халқ мамлакат ҳукумати жорий этган вакцина паспортига норозилик сифатида намойишларга чиқди. Намойишчилар бундай паспортлар инсон ҳуқуқларига зидлигини иддао қилмоқда.
Коронавирус пайдо бўлган ва кенг тарқалиб кетган илк даврларда барча вакцина яратилишини интизорлик билан кутган эди. Ниҳоят кўпчилик кутган пайтлар ҳам етиб келди ҳамда ҳозирда бутун дунё бўйлаб вакцинация ишлари давом этмоқда. Бир қатор давлатларда катта-катта жамоат бинолари вакциналаш марказларига айлантирилган бўлса, бошқа жойларда шифокорлар ҳудудларга бориб, аҳолини эмлаш ишларини олиб бормоқда.
Украина шарқида ҳарбий ҳаракатлар қайтадан жонлаши хавфи остида мамлакат ҳарбийлари ҳудудда танклар билан машғулотлар ўтказди. Ҳозирда бу ерда вазият анча кескин тус олмоқда.
Бутун дунёда вакциналаш жараёнлари кетаётган бўлса, Ҳиндистон сўнгги кунларда касаллик энг кўп қайд этилаётган мамлакат бўлиб турибди. Ўликхоналарда жой танқислиги юзага келмоқда, кислород баллонлари етишмаяпти. Жасадлар тинмасдан куйдирилмоқда. Мамлакатда кунлик касалланиш ҳолатлари 200 мингдан ошиб кетмоқда.
