14:15 | 24.04.21 82
Наманган ҳокими спортчи қизга иккита қўй совға қилди
Шунингдек, ҳоким унга тикув машинаси бериб, кейинги тайёргарликларда ҳомийлик қилишини айтган
Наманган вилояти ҳокими Шавкат Абдураззоқов 24 апрель куни тўрақўрғонлик курашчи қизга тикув машинаси ва иккита қўй совға қилди. Бу ҳақда вилоят ҳокимлиги ахборот хизмати хабар берди.
Хабарга кўра, Мадина Усмонжонова спортнинг эркин кураш йўналишида Қозоғистонда ўтказилган Осиё чемпионати кумуш медалини қўлга киритган.
Таъкидланишича, курашчи ҳозирда яна бир кураш мусобақасига тайёргарлик кўрмоқда. Вилоят ҳокими спортчи қизга тайёргарлик учун шароит яратиб бериш мақсадида ҳомийлик, тикув машинаси ва бир жуфт қўй совға қилган.
Аввалроқ Қашқадарё ҳокимининг келин-куёвга электр чойнак совға қилганига муносабат билдирилганди.
