Польшада парранда гриппи тарқалиши сабабли миллионлаб паррандалар йўқ қилинади
Польшада парранда гриппининг кенг тарқалиши кузатилиб, мамлакатдаги 16 воеводадан 15 тасида ушбу ҳолат қайд этилди. Бу ҳақда «RMF» радиостанциясига таяниб, «Корреспондент» хабар берди.
«Биз бундай жиддий инқирозга биринчи марта дуч келмоқдамиз. Илгари кузатилган 65 та эпидемия энг юқори кўрсаткич бўлган, ҳозирда мамлакатда бу сон 200 дан ортиқни ташкил этмоқда», — дейди Польша паррандачилик ассоциацияси вакили Анджей Данеляк.
Мутахассисларнинг тахминларига кўра, парранда гриппи парранда гўшти нархининг ошишига олиб келади. Чунки эпидемия сабабли паррандачилик саноати катта йўқотишларга дуч келмоқда. Баъзи фермалар эса ёпилишга мажбур бўлган.
Аввалроқ Африкада қора ўлат эпидемияси бошлангани хабар қилинганди. Шунингдек, Конгода 14 киши номаълум касалликдан вафот этгани айтилганди. Японияда ҳам Африка чўчқа ўлати тарқалгани хабар қилинган.
