Сенат ялпи мажлисида «Ноширлик фаолияти тўғрисида»ги қонун маъқулланди

Сенатнинг 23 апрелдаги ялпи мажлисида сенаторлар 2020 йилда эътирозлар сабаб қайтарилган «Ноширлик фаолияти тўғрисида»ги қонунни маъқуллади. Бу ҳақда Сенат ахборот хизмати хабар берди.

Фото: Олий Мажлис Сенати ахборот хизмати

Хабарга кўра, 2020 йилда сенаторларнинг эътирози сабаб қайтарилган, кейин қонун ташаббускорлари ва депутатлар томонидан қайта ишлаб чиқилган ҳужжат Сенатнинг ўн тўртинчи ялпи мажлисида муҳокама қилинган. Қонунда амалдагисида бўлмаган асосий тушунчалар ва уларни изоҳловчи тегишли модда киритилиши айтилган.

Маълум бўлишича, қонун «Китоб маҳсулотларини нашр этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғиб қилиш бўйича комплекс чора-тадбирлар дастури тўғрисида»ги Президент қарорида белгиланган вазифалар ижросини таъминлаш мақсадида ишлаб чиқилган.

Шунингдек, ҳужжатда ноширлик фаолиятининг молиявий ҳолати ва моддий-техник базасини давлат томонидан мустаҳкамлаш, ахборот-кутубхона фаолиятини ривожлантиришга инвестицияларни жалб қилиш, ноширлик фаолиятини амалга оширишда солиқ ва бошқа имтиёзларни белгилаш кўзда тутилган.

Хусусан, ноширлик фаолиятини лицензиялаш тартиби ўрнига ноширлик фаолиятини бошлагани ҳақида давлат органини хабардор этиш тизимини жорий қилиш орқали мазкур соҳада тадбиркорликни ривожлантиришга амалий ёрдам бериши айтилган.

Таъкидланишича, матбаа маҳсулотларида нашрнинг чиқарилиши ҳақида маълумотлар кўрсатилиши лозим. Натижада ноширлик соҳаси аҳволининг статистикасини ва ривожланиш динамикасини режалаштиришни таъминланиши, халқаро стандартларга кўра ишлаб чиқарилаётган босма маҳсулотларнинг ҳисоби юритиш йўлга қўйилиши маълум қилинган.

Эслатиб ўтамиз, аввалроқ Сенат Қашқадарёда хорижий инвестицияларни жалб қилиш соҳасини кўриб чиқгани хабар қилинган.

«Уч нафар дўстингизни қаманг». Биринчи дунё мамлакатига айланган Сингапур ва унинг коррупцияга қарши кураш усули ҳақида — видео
Янгиликлар21:24 | 28.1.23
«Уч нафар дўстингизни қаманг». Биринчи дунё мамлакатига айланган Сингапур ва унинг коррупцияга қарши кураш усули ҳақида — видео
Статқўм Ўзбекистоннинг ЯИМ ҳамда саноат статистикаси ўртасидаги фарқ сабабини тушунтириб берди
Янгиликлар20:51 | 28.1.23
Статқўм Ўзбекистоннинг ЯИМ ҳамда саноат статистикаси ўртасидаги фарқ сабабини тушунтириб берди
«Ўзкимёсаноат» шина заводининг 80 млн долларга сотилганини асослаб берди
Янгиликлар20:17 | 28.1.23
«Ўзкимёсаноат» шина заводининг 80 млн долларга сотилганини асослаб берди
Ўзбекистонда қўшимча талаб этиладиган пиёз 1 апрелгача ички бозорларга киритилади
Янгиликлар19:44 | 28.1.23
Ўзбекистонда қўшимча талаб этиладиган пиёз 1 апрелгача ички бозорларга киритилади
Ўзбекистонда чиқиндилар газидан электр энергияси ишлаб чиқарадиган мажмуани қуриш бошланди
Янгиликлар18:50 | 28.1.23
Ўзбекистонда чиқиндилар газидан электр энергияси ишлаб чиқарадиган мажмуани қуриш бошланди
Самарқандда светофорнинг қизил чироғига ўтган автобус пиёдалар ҳаётига жиддий хавф солди — видео
Янгиликлар17:22 | 28.1.23
Самарқандда светофорнинг қизил чироғига ўтган автобус пиёдалар ҳаётига жиддий хавф солди — видео