Ҳафтанинг энг қизиқарли ва ғаройиб суратларини тақдим этамиз.

Перу пойтахти Лима шаҳри ташқарисидаги қабристон. Ҳудудда коронавирус билан боғлиқ ўлим ҳолатлари сони ортгани муносабати билан фавқулодда ҳолат жорий қилинди.

Ҳиндистонда коронавирусдан вафот этган беморлар жасадлари маҳаллий анъаналарга мувофиқ куйдирилмоқда. Ҳиндистон ҳозирда касалликнинг кунлик қайд этилиши борасида рекорд қайд этмоқда.

Туркиянинг Анқара шаҳри яқинидаги кўллардан бирига кўчманчи фламинголар қайтиб келди.

Хитойнинг Шенянг шаҳридаги ташлаб кетилган велосипедлар «қабристони».

Сербия пойтахти Белград шаҳридаги Старк Арена спорт мажмуасида ташкил этилган коронавирус беморларини даволовчи муассаса.

Суриянинг Идлиб шаҳридаги новвой Рамазон ойида рўзадорларга нонларини сотмоқда. Сурия 10 йилдан буён ички уруш гирдобида қолмоқда.

40 йилдан буён давом этаётган Афғонистондаги ҳарбий низолар миллионлаб инсонларнинг ўз юртини ташлаб кетишига сабаб бўлди. Жумладан, уруш ҳаракатлари бўлаётган ҳудудлардан қочган минглаб ўзбек, туркман ва афғон болалари Покистоннинг Балужистон вилоятида оғир шароитларда истиқомат қилмоқда.

Озарбайжонлик Турон Байрамов россиялик Исроил Қосимов билан Польшада бўлиб ўтаётган кураш бўйича Европа чемпионатида куч синашмоқда.

Таиланд пойтахти Бангкок шаҳрида коронавирус беморларига қараётган махсус ҳимоя кийимидаги шифокор ўзини салқинлатмоқда.

Жанубий кореялик ёшлар Япониянинг Фукушима АЭСидаги зарарланган сувларнинг океанга чиқариб юбориш ҳақидаги қарорига норозилик сифатида Сеулдаги Япония элчихонаси қаршисида сочларини олдирмоқда.

Узоқ вақт давом этган карантин тадбирларидан сўнг Янги Зеландия ва Австралия ўзаро ҳаво қатновларини қайтадан йўлга қўйди. Яқинлари билан қайта кўришган ва саёҳат қилиш имконига эга бўлган кишиларнинг хурсандчилигини тасаввур қилиш қийин эмас.

Қуддус шаҳрида араблар ҳамда исроилликлар ўртасида жиддий тўқнашувлар юз берди. Тўқнашувлар давоми Исроил полицияси бир қанча фаластинликларни ҳисбга олди. Исроил бир неча ўн йиллардан буён Фаластин ҳудудларини ишғол қилиб келади. Бунга норози фаластинликлар эса доимий суръатда қаршилик қилиб, шундай тўқнашувлар содир этиб келади.

2020 йилнинг 25 май куни АҚШнинг Миннеаполис шаҳрида афроамерикалик Жорж Флойдни тиззаси билан бўғиб ўлдирган полициячи Дерек Шовин устидан суд жараёни давом этмоқда, судда у айбдор деб топилди ва энди унга қандай жазо берилиши масаласи қолди. Суд қарорини америкаликлар хурсандчилик ва кўзда қувонч ёшлари билан қабул қилди.

22 апрель куни бир неча кун олдин полиция томонидан отиб ўлдирилган яна бир афроамерикалик Даунт Райтнинг дафн маросими бўлиб ўтди. Маросим Миннеаполис шаҳридаги черковда ташкил этилди. Унинг вафоти ортидан мамлакатда навбатдаги норозилик намойишлари тўлқини юз берган эди.

Ҳиндистон пойтахти Нью-Деҳли шаҳрида короанвирусдан вафот этганларнинг жасадлари крематорийларда ёқиб юборилмоқда. Мамлакатда кунига 2 мингдан ортиқ бемор вафот этмоқда.

Буюк Британия пойтахти Лондонда халқ мамлакат ҳукумати жорий этган вакцина паспортига норозилик сифатида намойишларга чиқди. Намойишчилар бундай паспортлар инсон ҳуқуқларига зидлигини иддао қилмоқда.

Жанубий Африка Республикаси пойтахти Кейптаун шаҳрига яқин тоғда ўрмон ёнғинлари содир бўлди. Содир бўлган ёнғин кучли шамол туфайли шаҳардаги биноларга ҳам зарар етказди. Жумладан, Кейптаун университети кутубхонаси ҳам олов ичида қолган. Оловни ўчириш учун махсус қутқарув гуруҳлари жалб этилган.

Таиланд пойтахти Бангкок шаҳрида буддавийлик дини руҳонийлари Халқаро Ер куни муносабати билан дунёда энг йирик шамчироқлардан иборат расм яратди.

Коронавирус пайдо бўлган ва кенг тарқалиб кетган илк даврларда барча вакцина яратилишини интизорлик билан кутган эди. Ниҳоят кўпчилик кутган пайтлар ҳам етиб келди ҳамда ҳозирда бутун дунё бўйлаб вакцинация ишлари давом этмоқда. Бир қатор давлатларда катта-катта жамоат бинолари вакциналаш марказларига айлантирилган бўлса, бошқа жойларда шифокорлар ҳудудларга бориб, аҳолини эмлаш ишларини олиб бормоқда.

Инсоннинг табиатга етказаётган зарари йил сайин кўпайиб бормоқда. Қуйида Аргентинанинг Патагония ўрмонлари инсон қўли билан қай ҳолга келиб қолганини кўришингиз мумкин. Табиатни асрайлик!