Япониялик олимлар коронавирус мутациясини тезкор аниқлаш усулини ишлаб чиқди
Япониянинг Осака ва Хоккайдо университети олимлари коронавирус штаммидаги мутацияларни тезкор аниқлаш усулини ишлаб чиқди. Бу «Cell Reports» журналида чоп этилган тадқиқот натижаларида маълум бўлди.
Келтирилишича, япониялик олимлар томонидан ишлаб чиқилган усул коронавируснинг клонларини яратиш учун занжир реакцияси усулидан фойдаланишни ўз ичига олади. Бу эса вирус мутацияларининг биологик хусусиятларини тезда таҳлил қилиш имконини беради. Шунингдек, у вирус мутациясини ўрганиш вақтини икки ҳафтагача қисқартириши, анъанавий усулда олимлар бир неча ойгача вақт сарфлаши айтилган.
Аввалроқ олимлар коронавирусни бир сонияда йўқ қилиш йўлини топгани ҳақида хабар берилганди. Шунингдек, олимлар коронавируснинг 34 та мутацияга учраган турини аниқлагани маълум қилинган.
