Тошкентда «Янги Ўзбекистон. Янги нигоҳ» медиа ҳафталиги бошланди

3 май — Бутунжаҳон матбуот эркинлиги кунида «Янги Ўзбекистон. Янги нигоҳ» медиа ҳафталигига старт берилди. Ўнлаб конференциялар, мастер-класслар, фильмлар намойишлари, фестиваллар, ижодий учрашувлар, форумлар ва тақдимотлар ўтказиладиган ушбу учрашув 5 кун давом этади, дея хабар бермоқда «Bugun.uz» мухбири.

Фото: Ўзбекистон электрон оммавий ахборот воситалари миллий ассоциацияси матбуот хизмати

Мазкур тадбир ташкилотчилари Ўзбекистон электрон оммавий ахборот воситалари миллий ассоциацияси (ЎзЭОАВМА), MY5 телеканали, Олий Мажлис ҳузуридаги Нодавлат нотижорат ташкилотларни ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича парламент комиссияси, ЮНEСКО ишлари бўйича комиссия, Журналистика ва оммавий коммуникациялар университети, Ўзбекистон Кинематография агентлиги, Ўзбекистон Ёшлар иттифоқи ҳисобланади.

Қайд этилишича, ҳафталикнинг барча тадбирлари ёш журналистлар, иқтидорли ёш мутахассислар ва талабаларнинг касбий маҳоратини, билим даражасини оширишга, ижодий ва касбий ривожлантиришга йўналтирилган. Шу муносабат билан ҳафталик тадбирларнинг аксарияти ёшларга бағишланган — махсус тақдимотлар ва медиа-тадбирлар, мамлакатнинг олий таълим муассасалари ва етакчи оммавий ахборот воситалари ўртасидаги ҳамкорлик меморандумларининг имзоланиши, иқтидорли ёшларга махсус жиҳозларни тақдим этиш маросими, ёшлар медиа-студияларининг очилиш маросими, ёш киноижодкорлар томонидан суратга олинган фильмларининг очиқ намойишлари ва бошқа тадбирлар.

Фото: Ўзбекистон электрон оммавий ахборот воситалари миллий ассоциацияси матбуот хизмати

«Янги Ўзбекистондаги ҳаётимиз жадал равишда ривожланмоқда ва атрофдаги барча нарсаларнинг, шу жумладан медиамаконнинг трансформациясини талаб қилмоқда. Одамлар ижтимоий тармоқлар, телевидениега кўпроқ қизиқяпти ва шу сабабдан медиа истеъмолчиларнинг талабларига қараб ишлаши керак. Шу ўринда, Ўзбекистон 60 фоизи ёшлардан иборат мамлакат эканини ҳисобга олиш лозим. Шунинг учун ёшлар талабига жавоб бера оладиган контентни ярата билиш муҳим. Бундай контентни фақат ҳар қандай форматда ишлай оладиган, серқирра ва мамлакат ҳаётини тезкорлик билан ёрита оладиган ёш авлод журналистлари, мультимедия контент муаллифлари яратиши мумкин», — дея таъкидлади Ўзбекистон электрон оммавий ахборот воситалари миллий ассоциацияси раҳбари Фирдавс Абдухолиқов.

Таъкидланишича, ҳафталик доирасидаги тадбирларга медиа-эксперт Рене Фалькнер (Германия), «Россия сегодня» халқаро ахборот агентлиги бош директори, «Вести Недели» дастурининг муаллифи ва бошловчиси Дмитрий Киселёв, телебошловчи ва документалист Валдис Пельш, документалист ва телережиссёр Саида Медведева каби мутахассислар таклиф этилган. Шу билан бирга, тадбирда Ўзбекистонда рўйхатдан ўтган Туркия ва Буюк Британиянинг етакчи нашрлари журналистлари иштирок этади.

Фото: Ўзбекистон электрон оммавий ахборот воситалари миллий ассоциацияси матбуот хизмати

Маълумот ўрнида, ҳафталикнинг дастури турли форматдаги тадбирларни ўз ичига олади. Хусусан, таклиф қилинган меҳмонларнинг махсус учрашувлари ва маҳорат дарслари, «Янги Замон» ахборот-таҳлилий дастури янги павильонининг очилиш маросими, «Янги Ўзбекистон — янги медиа. Муваффақият сири» мавзусида мамлакатнинг таниқли журналистлари ва медиа-экспертлари иштирокида очиқ мулоқот, телебошловчи ва документалист Валдис Пельшнинг телебошловчилар гуруҳи учун мўлжалланган тренинги, «Шум бола–2021» халқаро кинофестивали.

Фото: Ўзбекистон электрон оммавий ахборот воситалари миллий ассоциацияси матбуот хизмати

Медиа ҳафталик тадбирлари 2021 йил 3–7 май кунлари пойтахтдаги Ёшлар ижод саройида, шунингдек, маҳаллий телеканалларнинг студияларида бўлиб ўтади.

Бугун оқшоми. Метрода ҳаракатланган президент, уйларнинг зилзила бардошлигига «гарантия» беролмаган мутасадди ҳамда Тошкентда янги қурилишларга ўрнатилган чеклов
Янгиликлар21:00 | 8.2.23
Бугун оқшоми. Метрода ҳаракатланган президент, уйларнинг зилзила бардошлигига «гарантия» беролмаган мутасадди ҳамда Тошкентда янги қурилишларга ўрнатилган чеклов
Самарқанд халқаро технология университети ўзининг янги кампус макетини тақдим этди
Янгиликлар18:53 | 8.2.23
Самарқанд халқаро технология университети ўзининг янги кампус макетини тақдим этди
Тошкент шаҳрида янги қурилишларга чеклов ўрнатилади
Янгиликлар18:40 | 8.2.23
Тошкент шаҳрида янги қурилишларга чеклов ўрнатилади
«Ўзбекгидроэнерго» Ҳиндинстон компанияси билан инновацион гидроагрегатларни етказиш бўйича шартнома имзолади
Янгиликлар18:00 | 8.2.23
«Ўзбекгидроэнерго» Ҳиндинстон компанияси билан инновацион гидроагрегатларни етказиш бўйича шартнома имзолади
Туркия ва Сурияда зилзила қурбонлари сони 9 минг кишидан ошди
Янгиликлар17:41 | 8.2.23
Туркия ва Сурияда зилзила қурбонлари сони 9 минг кишидан ошди
Жо Байден Конгрессга йиллик мурожаатини йўллади. АҚШ президенти Украинани қўллаб-қувватлашга ваъда бериб, Россияни бирор марта тилга олмаган
Янгиликлар17:07 | 8.2.23
Жо Байден Конгрессга йиллик мурожаатини йўллади. АҚШ президенти Украинани қўллаб-қувватлашга ваъда бериб, Россияни бирор марта тилга олмаган

Муҳим хабарлар

Самарқанд халқаро технология университети ўзининг янги кампус макетини тақдим этди

18:53 · 08.02.2023

Туркия ва Сурияда зилзила қурбонлари сони 9 минг кишидан ошди

17:41 · 08.02.2023

Жо Байден Конгрессга йиллик мурожаатини йўллади. АҚШ президенти Украинани қўллаб-қувватлашга ваъда бериб, Россияни бирор марта тилга олмаган

17:07 · 08.02.2023

Орол денгизининг суви қуриган тубида «яшил қопламалар» барпо этишга 25 млрд сўм ажратилади

16:33 · 08.02.2023

Ўзбекистон Туркманистондан етказилмаган газ учун пул компенсацияси талаб қилгани рад этилди

15:59 · 08.02.2023

Ўзбекистонда 9 февраль куни аксарият ҳудудларга ёмғир ёғади

15:25 · 08.02.2023

Ўзбекистонлик қутқарувчилар Туркияда вайроналар остидан 9 кишини қутқариб олди — видео

14:55 · 08.02.2023

Ўзбекистондаги уйлар зилзилага қанчалик бардошли? Қурилиш вазири ўринбосари жавоб берди — видео

12:23 · 08.02.2023

Туркия ва Суриядаги зилзилалар қурбонлари сони 8 мингга яқинлашди

11:49 · 08.02.2023

Фарғонада журналист ва Telegram-каналлар маъмурлари 15 суткага қамалди

18:30 · 07.02.2023