Билл Гейтс рафиқаси билан ажрашаётганини эълон қилди
«Microsoft» корпорацияси асосчиси, америкалик тадбиркор, миллиардер Билл Гейтс рафиқаси Мелинда билан ажрашаётганини эълон қилди. Бу ҳақда у Twitter’даги саҳифасида маълум қилди.
«Кўп мулоҳазалар ва муносабатларимиз бўйича кўп ишлардан сўнг никоҳимизни тугатиш тўғрисида қарор қилдик», — дея хабар қилган 65 ёшли Билл Гейтс.
Шунингдек, 27 йилик никоҳда у ва рафиқаси учта фарзандни вояга етказгани ва дунё бўйлаб инсон саломатлиги учун хизмат қилувчи фонд ташкил қилганини қайд этган.
«Биз ушбу вазифага бўлган ишончимизни ўртоқлашамиз ва фондда биргаликда ишлашда давом этамиз, аммо энди ҳаётимизнинг кейинги босқичида эр-хотин бўлиб давом эттиришга ишонмаймиз», — дея қайд этган Гейтс.
Аввалроқ Билл Гейтс пандемиянинг тугаши ҳақидаги тахминларга баҳо бергани ҳақида хабар берилганди.
