Қашқадарё вилояти Чироқчи туман ҳокимлиги ёнида қиз бир нечта йигит томонидан калтаклангани ҳақида хабарлар тарқалган эди. Ҳолат Сенатнинг Хотин-қизлар ва гендер тенглик қўмитаси томонидан назоратга олинди.

Эслатиб ўтамиз аввалроқ, Чироқчи тумани Мустақиллик кўчасидаги автошохбекатда фуқаро Т.Н.ни ўзига нотаниш бўлган шахс уриб тан жароҳати етказгани маълум қилинган. Олиб борилган терговга қадар текширувда аниқланган ҳолатлар бўйича вилоят прокурорининг ташаббуси билан 2 май куни Жиноят кодексининг 277-моддаси 1-қисми (Безорилик) билан жиноят иши қўзғатилиб, тергов ҳаракатлари олиб борилмоқда.

Қайд этилишича, тергов жараёни Қашқадарё вилояти прокуратураси томонидан назоратга олинган.

Аввалроқ Сурхондарё вилояти Денов туманида эркак мол-мулк талашиб, келинини калтаклагани акс этган видео тарқалгани юзасидан изоҳ берилганди.