Ердаги ҳарорат 2020 йилда уч миллион йил ичидаги энг юқори даражага етди. Бу ҳақда Бирлашган Миллатлар Ташкилотининг бош котиби Aнтониу Гутерриш хабар берди.

Маълум бўлишича, турли минтақаларда 2020 йил иқлимий офатлар сони ва об-ҳавонинг кескин ўзгариши рекорд даражага кўтарилган.

«Ҳавонинг ўртача ҳарорати саноатгача бўлган кўрсаткичдан 1,2 даража цельсийга ошди. Бу кўрсаткич илмий жамоатчилик томонидан ўрнатилган бўлиб, юқори баҳоланган 1,5 даража цельсийга яқинлашмоқда. Бу жуда хавфли. Биз тубсиз жар ёқасида турибмиз», — дея қўшимча қилган БМТ бош котиби.

Шунингдек, у атмосферада карбонат ангидрид газининг концентрацияси юқори даражага кўтарилганини қўшимча қилиб, бу саноатгача бўлган даврга нисбатан 148 фоизга юқори эканини таъкидлаган ва Ернинг ҳарорати уч даражага ошиши ва денгиз сатҳи 15 метр баландликка кўтарилиши  уч миллион йил ичидаги энг юқори кўрсаткич эканини қайд этган.

Гутерришнинг таъкидлашича, агар мамлакатлар сайёрадаги экологик вазиятни яхшилаш учун бирлашса, иқлим ўзгаришининг фалокатли оқибатларининг олдини олиши мумкин.

Аввалроқ Қуёшда ўрта даражали чақнаш юз бердигани ҳақида хабар берилганди. Шунингдек, юқори ҳаво харорати сабабли дунёдаги энг катта айсберг эриб, бўлакларга бўлиниб кетгани маълум қилинган.